Hritlang(Common Cold)

Hritlang han tih hian a huam zau thei fu awm e. Tuna kan tum ber erawh chu hritlang pangngai (Common Cold) hi a ni. Hetiang natna miin a lo kai chuan hnar leh hrawk tuamtu a vung a, chu chuan hnar a ti ping a, hrawk a thip  hlur thin. Khawsik leh taksa na them thum a awm thei bawk.
Enge a awm tirtu?
He natna awm tirtu hi virus a ni a, in kaichhawm awl tak a ni. Virus chi hrang tam tak he natna siam thei hi an awm, a lar zualte chu rhinovirus, coronavirus leh respiratory syncytial virus te hi an ni awm e. Thlasik lai leh khawhnawn hun lain a awm duh zual.
Hritlang veite engtinnge an awm le?

• Hnar ping leh hnap tui
• Hahchhiau
• Lu na
• Taksa nuam lo leh na sep sep
• Khawsik seng seng
• Thawk harsa
• Hrawk vung leh na

Hritlang chu engtia enkawl tur nge?

• Hnar hnawhtu hnap hnitfai thin tur.
• Saline/tuilum chi al hmanga hnar thuahfai a tha (syringe hmanga kahluh mai pawh a theih), saline nasal drop/spray a hman theih bawk ang.
• Secondary infection a awm a nih loh chuan antibiotic hmanin awmzia a nei lo.
• Hnar ping tih reh nan Decongestant nasal drop kan hmang a nih chuan fimkhur taka hman tur, regular taka hman hi a pawi thei.

Hritlang vang hian eng natna dang nge awm thei?
Hritlang hi tihdam vat a nih loh chuan natna dang (secondary infection) hnar, beng leh hrawk mai bakah thawkna dawt leh chuap-ah te pawh a awm duh hle.

• Sinusitis ­– viral leh bacterial, lu na leh khawsik a zual thei, puitlingah a ni duh bik.
• Ear infection – Naupangah a awm duh. Beng na leh khawsik an nei thin.
• Laryngitis – Aw chhang leh thawk harsa thleng pawhin a awm thei.
• Acute or Chronic Bronchitis (Awm na) .