Aw Chhang

• Aw chhang tih chuan kan hre thiam tlang mai awm e, hrilhfiah tum ting lo mai ang.
  Aw chhang hi eng vanga lo awm ngawt nge?
  Chhan tam tak a awm thei. Aw chhang tam ber hi chu aw bawm vung (inflammation of vocal crd) vanga lo awm a ni. Hetiang thlen thei lar zualte chu:-
  

  • Laryngitis (infection of vocal cord, viral or bacterial): Aw chhang thlentu tam ber a ni ang.
  • Aw hman nasat (vocal abuse): Thu sawi mi leh zai mi ten an nei chawk.
  • Vocal cord nodule and polyp : Hei pawh hi aw hmang rim ten an nei duh.
  • Gastro-esophgeal relux disease (GERD) : Pumpuia thurin hrawk a bual thin vanga awm.
  • Boruak bawlhhlawh hipluh leh Meizuk.
  • Awrpuar leh thyroid natna thenkhat.
  • Aw bawm hliam (injury to voice box).
  • Thluak lam that lohna, eg. Parkinsonism, Stroke etc.
  • Cancer : Aw bawm cancer bakah chuap cancer te, chawkawng cancer-ah te pawh aw chhang a awm chawk.

  Engtinnge aw chhang lakah kan invent ang?
  Aw chhang tur lakah hian inven vek theih a ni lo nain inven theihna chin a awm:-
  

  • Ring taka tawng pumpelh hram tur, microphone hman mai zawk a tha.
  • Voice therapist (Civil Hospital-ah kan nei a, Private-a inhawng pawh an awm) leh zai zirtirtu (singing teachers)-te thurawn lak thin a tha.
  • Mei zu thin tan bansan hmak tur.
  • GERD ven nan zu, caffeine (thingpui, coffee) leh spicy food bansan a tha.
  • Aw chhang reh mai lo chu Doctor hnena entir tur.