I Computer a nung thei lo (boot thei lo) emaw, nung ang deuh a a awm a ( a fan leh a indicator light a eng vek) a screen ah engmah a lan loh emaw, a nung a a thi lehnghal zel emaw, POST (power on self test) / BIOS Message a lo lang a a tang anih chuan a hnuai a mi ang khuan a awmdan a zir in i ti dawn nia.
( A Operating System in awmzia a nei lo, eng OS pawh hmang ula a in ang vek, Windows, Linux, Unix pawh nise a danglam lo, a hardware i khawih dawn reng reng in switch off in plug ah phoi la, i kut a static electricity paih (drain) nan khan thir engemaw i khawih zeuh phot thin dawn nia )
I: I Computer i ON a engtinmah a awm loh a a fan a vir lo a, indicator light a eng lo bok anih chuan a hnuaia CASE 1 ang khuan ti ang che.
II: I Computer i ON a a fan a vir a, indicator light pawh a eng a, mahse monitor ah engmah a lo lan loh chuan CASE 2 ang khuan ti ang che.
III: I Computer i ON a a rawn nung a, a thi leh nghal daih zel anih chuan CASE:3 ang khuan ti ang che.
IV: I Computer i ON a a nung vek a Monitor ah pawh a lo lang a, mahse Windows (Operating System) in load hma a a tan/din daih chuan CASE 4 ang khuan i ti dawn nia.
V: I Computer i ON veleh engmah kal lo a beep ri a awm char char chuan, a RAM emaw, a Processor emaw a detect lo emaw (a chhia emaw) tihna ani tlangpui, a rik dan erawh a in ang lo. A motherboard siamtu company a zir in a detect loh in ang pawh a rik dan a dang leh. A RAM detect lo hi a tam zok chu ani a, a RAM phoi la, a ke kha erasure (nawhreh) in nawt fai la, i vuah tha leh dawn nia, Uluk deuh in vuah la, i vuah dik chuan a ri khep ang. A la ngai reng anih chuan RAM tha dang vuah la, a la rik fo chuan a Processor lam a chhia a ni ang. A overheat emaw, a processor fan emaw a detect loh pawn a beep thei, chutiangah chuan CASE 3: Step iv khu en roh.
(Hriat hmasak tur chu Computer siam (troubleshoot) dawn reng reng in a awlsam a piang tih (test/check) hmasak zel tur.)
CASE 1: I Computer i ON a engtinmah a awm lo, a a fan a vir lo a, indicator light a eng lo bok anih chuan a hmasa berah
STEPS:
i) I power/current line ( a power cable) a in vuah nget em tih leh a swith i ON kim em check la, i plug a chhia pawh ani thei, Power Supply Unit (PSU/SMPS) ah pawh a switch a awm thin bok, i ON kim vek em check roh.
ii) A switch zawng2 a in ON kim vek chuan i Computer ON na switch a cabinet a mi kha a dik em check roh, a tlum emaw, a keh/thlawn emaw em check la.
iii) A dik vek chuan i SMPS kha a tha lo ani thei, a tha dang vuah la test ang che ( SMPS chhia hi hemi problem ah chuan a lar (common) ber ani )
iv) SMPS tha chiang sa i vuah pawh a a la ngai reng anih chuan i Motherboard/Mainboard a chhia ani ngei ang, a tha/thar a thlak a ngai ang.
CASE 2: I Computer i ON a a fan a vir a, indicator light pawh a eng a, mahse monitor ah engmah a lo lan loh chuan
STEPS:
i) I monitor power cable check roh, a nghet lo ani thei, i monitor kha a tha lo hrim hrim pawh ani thei bok.
ii) Engkim a in connect dik vek a monitor a that si chuan a hardware dang i khawih hma in a hmasa berah a motherboard battery ( CMOS battery) kha phawi la, second 20 hnu velah vuah leh ang che. ( Hemi problem ah chuan hei hi a lar (common) ber ani)
( Hemi step hi han sawi zau deuh ila, battery kan phawi hian a Motherboard BIOS settings ( bios settings leh date leh time zawng zawng hi CMOS ah a in save, chu chu a battery hian a vawng.) a in reset a, a settings dik chiah lo emaw, eng vang emaw a lo inthlak palh a awm pawh in a default ah a in reset leh vek. Memory ah tangkhang a awm anih pawh in a in clear leh vek. Hemi step i tih zawhah hian BIOS atangin date/time i set that leh a ngai. Hetianga a awm fo chuan a BIOS flash/upgrade a ngai thin)
iii) A la ngai reng anih chuan i check leh tur chu a Power Supply Unit (PSU/SMPS) ani, a indicator light a en vang leh a fan a vir vang ringot khan a SMPS chu a tha tihna ani lo. SMPS tha chiang sa dang in thlak thleng la test leh ang che.
iv) Engmah a danglam loh chuan RAM, Graphics card, etc ( a thlawn theih zawng kha ani mai) kha thlawn la vuah tha leh la test leh ang che.
v) A la ngai reng chuan a RAM kha phawi la, a tha chiang sa in han test teh.
vi) A la that loh chuan a RAM kha phawi leh la, phawi chung khan ON la, beep ri a awm em ( a motherboard an internal speaker a invuah tur ah ka ngai, a hranpa a phawi chawp a nih loh chuan a in vuah sa), engmah a rik loh a RAM tha i vuah leh pawh a awmzia a awm loh chuan i motherboard kha a thar/tha a thlak a ngai ang.
( "Kei chu hetiang a a awm chuan a RAM ka vuah tha a a tha leh mai zel, engmah i hre tak tak lo aniang, RAM vuah that hmasak ber tur" i tih chuan heti hian ngaihtuah roh :D . A RAM i phawi a i vuah that khan enge a tih ber, a tih chu a Memory ah engemaw tangkhang a awm khan a in clear a, a battery i phawi a i vuah that kha chuan a memory a mi a in clear bakah a BIOS settings kha a in reset tel bawk ( Saihlum pakhat a sava 2 perhthlak ??). A RAM a nghet lo emaw, a detect tha lo emaw anih chuan a beep ang. RAM hi a sensitive khawp a, i kut vel a static electricity ringot pawh khan a tichhe palh thei, Chubakah a RAM phoi a vuah that fo hian a slot a ti thawl mai2 a, a chhe hma duh, a dik lo a sawi deuh a i nem vak phei chuan a slot kha a chhe mai ang. )
CASE 3: I Computer i ON a a rawn nung a, reiloteah a thi leh daih zel anih chuan
STEPS:
i) A hmasa ber in i Computer switch ON na lai kha a tlum em check la, a lang a tlum lo pawh khan a chhung a switch a tlum thei ( i hmeh khan a rawn return em tih a hriat theih kha)
ii) I processor fan kha a nung zok chhung khan a vir em check roh, a fan power cable kha a nghet lo/invuah lo pawh ani thei. ( Computer thenkhat ah chuan a processor fan a detect loh in a beep thin bok)
iii) Engkim a invuah dik chuan a SMPS kha a tha chiang sa in thlak la test leh roh. ( SMPS chhia hi hemi problem ah chuan a lar (common) khawp mai)
iv) A processor a sat lutuk (overheat) vang hian hetiang hian a awm thin bok. (I On tirh ber chuan rei deuhhlek pawh a nung thei, mahse a thih veleh a ON lehnghal i tum chuan a thi lehnghal zel ang, i ON leh zel chuan a nung lo top ang in a awm ang. (Computer thenkhatah chuan a POST/BIOS Message ah a Overheat tih a inziak a chumi hnu ah a thi thin bok). Hetiang a a awm anih chuan heatsink paste/solution hnawih a ngai. A processor fan leh heatsink kha thlawn la, toothbrush ro tha deuh in a heatsink leh fan kha ti fai la, a paste kha a processor chungah khan Ar chil zat ( a processor chung a kai rual tur tok vel) i tat ang a, a heat sink leh fan kha i vuah tha leh dawn nia. ( Hetiang problem-ah chuan hei hi a common ber pawl)
CASE 4: I Computer i ON a a nung vek a Monitor ah pawh a lo lang a, mahse Windows ( Operating system) in load hma BIOS/POST message a a tan/din daih chuan
STEPS:
i) I monitor ah BIOS/POST message inziak a zir in tih dan tur a awm thin. Error message engemaw a inziak a, Press F1 to contine a tih chuan ( Hemi error siam tha tur chuan BIOS a luh a ngai thin, a luh na key chu Del emaw F2 emaw a ni tlangpui, i Computer a zir in a key dang pawh ani thei tho bok, POST ah tho khan a inziak ang)
a) Date/time not set a tih chuan BIOS ah lut la, a date/time set tha roh. I ON apiang a a la tih tho chuan i CMOS battery kha a down toh a thlak a ngai.
b) 'FLOPPY DISK ERROR' a tih chuan BIOS ah lut la, floppy drive kha disable ang che.
c) Keyboard not detect a tih chuan i keyboard vuah tha la ala ngai reng chuan keyboard hran hmang rawh. ( Computer hlui thenkhatah chuan Keyboard not detected, press F1 to continue la ti tho te pawh a awm :D)
ii) A chunga mi ni lo error message dang a lan chuan, a Motherboard/CMOS battery kha phawi la, second 20 hnu ah vuah tha leh rawh, hemi hian BIOS settings a reset ang. (BIOS atang in Date leh time set that leh tur)
iii) A la pangngai reng chuan a SMPS tha in test roh.
iv) A la dik loh chuan a RAM, Hard Disk, etc kha vuah tha vek la, a la dik loh chuan a part mal mal kha a tha chiang sa in i test dawn nia. ( a motherboard pawh tiam in).
v) A hardware a that vek a, Error Message a lan tlat si chuan, a message a zir in hma lak dan tur a awm thin. A then chu a motherboard a jumper in set dik lo te, a BIOS corrupt/chhia te ani thei. BIOS a corrupt a a reset that theih loh chuan flash that a ngai.
